Proyekto
ni Leo Marpuri
 

Kitang mga taga Nabua,
Diri maalin a pakontra-kontra.
Sa maray man o boko sige ta kontra
Amo talaga yan nature ta. 

Diri sa ako nagkokontra man
Adi sa kanakong kaisipan
Na sa karayan ka banwaan
Diri man logod pagmalisyan.

Dawa siisay man a nakaula ngowan
Pagkontrawon o pakinabangan
Halos paryo sana man.
Amo yan sabi weather-weather sana yan.

Pero kin iisipon ta man a karayan
Ka kanatong banwaan
Tawan ta sa pagkakataon man
Gumibo sa proyekto kin uno man an.

Basta a importante a kauswagan
Na mababayad sa kanatong banwaan.
Kin agko man maliligis ka proyektong an,
Pagkontrawonda logod nauuman.

Paryo ngani ka sinabing landmark o uno pa man
Amo ngani diri naman napakikinabangan
Maadit man pero maray pa gayod rugbaon na yan
Balyowan sa mas kapakipakinabang.